Isang 86-anyos na babaeng Chinese national ang nasawi habang sugatan naman ang kanyang anak sa naganap na sunog dahil sa umano’y nag-overheat na charger at tablet, kahapon ng umaga sa Ermita, Maynila.
Kinilala ni PCpl Angelo Bado ng Manila Police District -Police Station 5 ang biktima na si Chiu Deng Kangbakale at ang nito na si Peter Kho Kangbakale, 49 .
Ayon sa ulat ng MPD-PS5, nagsimula ang sunog alas-9:30 ng umaga sa isang residential building sa likod ng hotel na pag-aari ng pamilya ng biktima na matatagpuan sa pagitan ng Alhambra at Guerrero Streets malapit sa Plaza Ferguson.
Napag-alamang hindi na nailigtas ng kanyang anak ang biktima na ‘bedridden’ matapos na mawalan ng malay nang makalanghap ng usok.
Idineklarang fire under control ang sunog alas -10:38 ng umaga.
