MUKHANG naunsiyami ang dapat ay unang sabak ni Kai Sotto sa NBA Summer League.
Walang nakitang aksyon sa 7-foot-3 Gilas Pilipinas center na si Sotto sa 89-78 pagkatalo ng Orlando Magic laban sa Detroit Pistons sa Thomas & Mack Center sa Las Vegas noong Linggo (Manila time).
Nakuha ni Sotto ang desisyon ng DNP-coach (DNP) sa laro, habang ang Orlando ay pinangunahan ng two-way player nitong si Kevon Harris, na may 21 puntos, anim na rebounds, at dalawang steals.
Si Anthony Black, ang ikaanim na overall pick ng Magic sa 2023 NBA Rookie Draft, ay nagtapos na may 17 puntos, limang dime, at limang tabla, habang ang 11th pick na si Jett Howard ay nag-ambag ng walong marker na may apat na rebound at apat na assist.
Ksama si Kai Sotto sa Orlando Magic camp para sa NBA Summer League.
Ang 21-taong-gulang na player ay isa sa anim na manlalaro na hindi nakakita ng anumang oras ng paglalaro, kasama sina Drake Jeffries, Tyger Campbell, Dexter Dennis, Au’Diese Toney, at Amauri Hardy.
Si Sotto ang tanging sentro sa anim at siya ang pinakamataas na manlalaro na mayroon ang Orlando sa kanilang summer squad
Si Sotto, na sumali sa mga pagsasanay ng squad noong nakaraang linggo, ay puwedeng kakitaan ng aksyon sa pagpapatyloy ng Magic sa kanilang kampanya sa Summer League sa Hulyo 11 kontra sa Indiana Pacers.
Sa naturang laro, na nakatakda sa alas-8:30 ng umaga (Manila time) ay haharapin ng Magic si 2023 eighth overall pick Jarace Walker suit up para sa Pacers.
Kasama rin sa linya ng mga laro para sa Orlando ang New York Knicks sa Hulyo 13 at ang Portland Trailblazers sa Hulyo 14.
Ang ikalimang hindi pa matukoy na kalaban ay naka-iskedyul na rin para sa Magic.
