NI WALLY PERALTA
MARAMING solid followers si Willie “Kuya Wil” Revillame na nakatutok sa kanyang online live show sa FB na “Wowowin” ang nagulat nang bumulaga sa kanila ang guest-cohost kamakailan na si Luis Manzano.
Dahil parehong magaling na game show host, madalas na makatapat ni Kuya Wil ang game show ni Luis sa ibang istasyon.
Marami ang nagtatanong ngayon kung may chance na bang mag-collab sila sa iisang game show, lalo pa at wala ng exclusive contract si Kuya Wil sa Kapuso Network?
May nagsasabi rin na pahiwatig umano ang pagsasama nina Luis at Kuys Wil dahil dadalhin daw nito si Luis sa istasyon ni Manny Villar sa darating na panahon.
Masaya ang samahan ng dalawang TV hosts sa naturang episode ng “Wowowin” kung saan ay nagkatsihan slla live online at may pagkakataon na hinayaan ni Kuya Wil na maging host si Luis.
Para kay Luis, ang pag-guest niya sa FB show ni Kuya Wil ay pagdalaw na rin sa “ninong” nila sa kasal ni Jessy Mendiola at ganun na rin humingi ng advice si Luis para sa ipapatayong negosyo.
