NI JULIE E. BONIFACIO
ANOTHER award-winning performance ang muling ipinamalas ni Vince Rillon sa latest Vivamax movie niyang “Kaliwaan” with AJ Raval, Denise Esteban at Mark Anthony Fernandez.
Matindi ang ginawang torture scene kay Vince sa movie na maging ang international award-winning actor ay ‘di makapaniwala na ganoon kaganda lumabas sa screen ang mga eksenang ginawa niya.
“Masakit uh, kawawa ako. Nakakaiyak, first time ko makita na ganoon ang hitsura ko sa screen. Hindi ko alam na ganoon ang kalalabasan sa screen,” say ni Vince.
At the same time, nagpasalamat si Vince sa kanyang direktor sa “Kaliwaan” na si Direk Daniel Palacio at sa kanyang manager/producer ng film na si Direk Brillante Mendoza.
Umani naman ng pagbati si Vince mula sa amin at iba pang entertainment writers sa performance niya sa “Kaliwaan” at sa pagkakapanalo niya ng Best Actor sa 19th Asian Film Festival na ginanap sa Rome, Italy last April 7-13.
Winner si Vince sa movie niya na “Resbak” at ka-tie niya sa Best Actor award si Christian Bables.
Sa naturang international filmfest din ay ginawaran si Direk Brillante ng Lifetime Achievement Award.
Say ni Vince sa isang interview: “Parang napaka-blessed ko po dahil nakatanggap ako ng award, na pinapangarap ko rin naman po!”
Feeling ni Vince too soon ang pagkapanalo nya ng award. Hindi raw talaga siya nag-expect na mananalo ng award sa Rome.
“So, yun po, masaya po ako at nararamdaman ko pa rin ngayon yung kasayahan sa pagkilala bilang best actor. Kasi po, nung tinanggap ko yun, hindi ko po talaga maramdaman noon yung nararamdaman kong saya ngayon,” ani Vince.
Anyway, palabas na ngayon sa Vivamax ang “Kaliwaan.” Kasama rin sa movie sina Felix Roco, Juami Guitierrez at Irma Adlawan.
May mga pelikula pa si Vince na malapit ng ipalabas gaya ng “Pusoy” with Baron Geisler. May dalawang pelikula pa siya with Coco Martin, ang “Apag” at “The Policeman.” Habang tinatapos naman niya ngayon ang “Virgin Forest” under Direk Brillante.
