NI BETH GELENA
Kumpirmadong balik-Kapamilya na si Maja Salvador.
With red, green and blue hearts emojis ang pagkumpirma na nasa ABS-CBN na ulit ang aktres.
Kaya ang mga Mosang at Marites diyan, tigilan na nila na hindi na muling makakayapak si Maja sa kanyang home studio sa loob ng 20 years.
Last Monday may mga larawan si Maja kasama si Richard Gutierrez at ang production set sa Cebu circulated on social media at doon na nabulgar na kasama si Maja sa bagong proyekto ng ABS-CBN.
Noong Martes, kinumpirma ng Star Creatives na parte si Maja sa bago nilang serye na pagbibidahan ni Richard with Jake Cuenca and Sue Ramirez.
Sa Tweeter account ng aktres, ibinahagi niya ang may working title na “Iron Heart” at ang behind-the-scene photos nila ni Richard na nilagyan niya ng caption na “Soon” with heart emojis na RGB — ang iconic logo color ng ABS-CBN.
Kahit may forthcoming show si Maja sa Kapamilya, napapanood pa rin siya sa TV5 at GMA-7.
