INIUWI ni John Lloyd Cruz ang Boccalino d’Oro o Golden Jug Award bilang Best Actor sa 76th Locarno Film Festival para sa kanyang pagganap sa “Essential Truths of the Lake” na idinerek ni Lav Diaz.
Ang pelikula ni Direk Lav ang kinatawan ng bansa sa film festival sa Switzerland.
Dahil sa pagkilalang ito, si Lloydie ang ikalawang Filipino actor na nakatanggap ng naturang parangal na unang nakamit ni Hazel Orencio noong 2014 para sa isa pang pelikula ni Diaz na “Mula sa Kung Ano Ang Noon” (From What is Before).
“It is with great joy and pride that I congratulate one of the most talented artists of our country, Mr. John Lloyd Cruz, for having won the Boccalino d’Oro prize (Golden Jug Award) for Best Actor at the 76th Locarno Film Festival (LFF) in Switzerland,” pahayag ni Film Development Council of the Philippines chairman and CEO Tirso Cruz III.
Taus-puso din ang pagbati ng FDCP sa aktor at kay Direk Lav sa pagbibigay ng karangalan sa ating dahil ito ay maituturing na panalo na rin ng bansa.
“This award is much deserved by an artist of his caliber. Lloydie, congratulations and thank you for bringing honor to our country,” dagdag pa ni Chairman Cruz.
Ang Boccalino d’Oro award ay ibinibigay sa pagdiriwang ng Independent Critics Jury.
