NI BETH GELENA
KAHIT walang movie na kasali si Heart Evangelista, join siya sa prestigious Cannes Film Festival na ginanap sa France.
Todo ang pagrampa ng Kapuso actress kasama ang ilang international stars and models sa prestigious international filmfest.
Napagkamalan pa ngang walang suot na underwear ang misis ni Senator Chiz Escudero.
Fashion event na rin kasi ang Cannes Filmfest kaya mga sikat talaga ang rumarampa sa red carpet nito.
Ilan sa famous international celebrities and models sa red carpet ng Cannes ay sina Anne Hathaway, Julia Roberts, Tom Cruise, Bella Hadid, Rebecca Hall, Kristen Stewart, Isabelle Huppert, Korean actor Lee Jung-jae, Jennifer Connelly, Julianne Moore, at maraming iba pang sikat na personalities sa fashion and entertainment world.
Siyempre pa ka-level up nila si Heart sa kanyang OOTD na tadtad ng crystals ang gown with matching mini bag.
Ang outfit ni Heart ay katulad ng isinuot ng Polish actress na si Anna-Maria Sieklucka sa premiere night ng erotic drama na “365 Days” na napapanood sa Netflix.
Kaya ang tanong ng netizens: “Who wore it better?”
Ang second outfit ng fashion icon ay bra top at thigh-high slit skirt.
All the way ang cutout sa magkabilang gilid, kaya mapagkakamalang wala siyang suot na underwear.
Balitang after Cannes, didiretso sa Paris ang fashionistang aktres.
