MASAYANG ibinalita ni Catriona Gray sa guesting niya sa vlog ni Dra. Vicki Belo na next year na nila balak magpakasal ng fiance niyang si Sam Milby.
“Mga next year. I just wanna enjoy the season. It’s really…it`s a once-in-a-lifetime season, so I just wanna enjoy it,” say ni Miss Universe 2018.
When asked kung sa Pilipinas ba or sa ibang bansa sila ikakasal, sagot ng beauty queen ay hindi pa raw niya alam.
Sa tanong naman kung ilang kids ang gusto niya, sabi niya ay baka raw dalawa.
“I just want a girl. If it’s 2 girls. I’m happy. If it’s a girl and a boy, I’m happy. But 2 boys. I might get 3, “ natatawang sagot ni Catriona.
Sa tanong ni Dra. Vicki kung ano ang mga qualities ni Sam ang nagustuhan niya, sabi ni Catriona ay feeling safe siya kapag kasama niya si Sam.
“ I feel like I was so guarded and apprehensive when I first met Sam but he is just a gentle and patient person, He really made me feel safe with him,” ayon kay Catriona.
Ayon pa kay Catriona, hindi niya naramdaman ginagamit siya ni Sam for his own advantage na siyang sinasabi ng ibang tao.
“I`ve never felt that he wanted to use who I was or if that I`m a public figure…I mean, he`s a public figure, too. But when you become, you know, Miss Universe like a year or two years later, people still regard you as…there`s this kind of hesitancy or like, “Does this person like me for me or do they just want to be associated with me because of the title?
“But he always made me feel safe. He never made me feel like he’s trying to use that to his advantage or anything,” giit pa ng beauty queen.
Pahapyaw na ikinuwento rin ni Catriona ang love story nila ni Sam.
Hindi raw ito love at first sight since matagal na silang magkakilala bago pa sila nagkaroon ng relasyon.
Marami raw silang common friend kaya lagi silang nagkikita in one circle.
At isa sa nakapaglapit sa kanila ni Sam ay pareho silang Christian.
Pareho rin daw sila ng values ni Sam na super family oriented at ang ikinatuwa pa ni Catriona ay nag-effort si Sam sa kanyang family and friends.
Kaya masaya siya na tanggap ng parents niya ang relasyon nila ni Sam.
Sa isang bahagi ng video ay humingi si Catriona ng marriage advance kay Dra. Vicki at payo naman sa kanya ng celebrity doctor: “Always make Jesus the third person in your relationship.”
