NI BETH GELENA
MAY bagong ididirek na pelikula si Bela Padilla na kukunan sa Europa.
Ito ang unang pagkakataon na magdidirek ang aktres na hindi siya artista kundi full-time director and writer.
Last month ang naging busy si Bela dahil sa Kapamilya events sa Norway and France.
Sa 7th edition ng Amihan Sportsfest, isa ang aktres na dumalo sa festival na idinaos sa Stade de la Muette sa Paris.
“I’m having so much fun here in Europe. I guess kasi new environment marami ako nasusulat right now. I’m very inspired to keep on writing and keep on creating. At the same time ang dami kong nakikilalang bagong friends, ang dami kong Pinoy na nami-meet, in every city that I go to, hindi lang sa London kung saan-saan na kami namamasyal with TFC. Mari-realize mo talaga anywhere you go in the world basta may Pinoy, feel at home,” kuwento ni Bela.
Hiyang nga si Bela na manirahan sa London.
Si Bela mismo ang nagsabi sa TFC News na may bago siyang project kung saan siya ang direktor at writer ng pelikula.
“Actually, may isho-shoot akong movie sa Switzerland this winter, pero with Pinoy cast and crew pa rin. So right now, we’re in the process of casting, finalizing kung sino pa ‘yung mga kasama namin.
“Pero this time I’m not acting on it, I’m just writing and directing the film. Looking forward sa project ang aktres. So I’m excited kasi first time na hindi ako nakasabak sa set, talagang nasa likod lang ako so I’m looking forward to the experience,” kuwento ng aktres.
