Dinakip ng Manila Police District-Special Mayor Reaction Team (MPD-SMaRT) ang isang lalaking ‘wanted’ sa Cebu dahil sa tatlong counts ng sexual assault, sa isinagawang operasyon kahapon ng umaga sa Tikling Road, Taytay Rizal.
Nasa kustodiya ng SMaRT,ang suspek na si Romeo Toloso,nasa hustong edad at nasa ‘Top 2 Most Wanted Person’ ng Cebu.
Ang suspek ay inaresto sa bisa ng arrest warrant na inisyu ni Hon. Annabelle Romana – Robles, Pesiding Judge ng Regional Trial Court Branch 96 sa Cebu.
Nabatid na ang suspek ay namataan sa lugar alas-7 ng umaga.
Ayon kay Police Lt Col Rosalino Ibay, Jr.hepe ng SMaRT ,nakatakdang i-turnover sa PRO-7 ang suspek para.dalhin sa korte. (JERRY S. TAN)
