Arestado ng mga operatiba ng Manila Police District -Police Station 10 ang itinuturing na ‘Top1 Wanted’ sa Pandacan na may 17 taon nang nagtatago sa batas.
Ang inaresto kahapon ng umaga sa Ick Street, Sta.Ana, Maynila at nasa kustodiya nggayon ng MPD-PS10 ay kinilalang si Noel Valdez y Tamba, 38, ng No. 1835 M. Natividad Street, Tayuman, Tondo Maynila.
Si Valdez ay naaresto ng mga pulis dakong alas- 8:30 ng umaga sa nabanggit na lugar.
Napag-alamang si Valdez ay naaresto sa bisa ng arrest warrant na inisyu ni Manila RTC Presiding Judge Esteban Dela Peña ng Branch 48 at may petsang Setyembre 3, 2007.
Walang inirekomendang piyansa ang korte para sa pansamantalang kalayaan ng akusado.
