Tiyak nang matutuloy ang pag-uwi sa bansa ng convicted drug mule na si Mary Jane Veloso at maaring sa Pilipinas na mag-Pasko.
Ito ay matapos lagdaan ng delegado ng Pilipinas.ang isang agreement sa pagitan ng Indonesian counterpart nitong Biyernes, na naglalaman ng kanyang paglilipat.
Ayon kay Justice Assistant Secretary at spokesperson Atty. Mico Clavano,”Yes, we are happy to announce that we have just received a report from our DOJ (Department of Justice) team in Indonesia. The practical agreements between the Indonesian government—specifically the Minister for Human Rights, Corrections, and Immigration—and the DOJ of the Philippines have been signed for the official transfer of Mary Jane Veloso back to the Philippines. So, yun lang po. We would like to announce na officially, Mary Jane Veloso is coming home.”
Aniya, may posibilidad na nakauwi na sa bansa si Veloso bago mag-Pasko.
Matandaan na si Veloso ay nasa death row matapos na arestuhin ng mga awtoridad sa Indonesia, makaraang madiskubre ang nakatagong 2.5 kilograms ng heroin sa kanyang bagahe.
Hindi natuloy ang execution sa pamamagitan ng firing squad noong 2015 nang ipatigil ito ni Indonesian President Joko Widodo.
Si Veloso ay naaresto noong 2010 sa Indonesia’s Yogyakarta airport dahil sa pagpupuslit ng heroin.
