“WE question the State Department’s report of abuses by security forces. But since the state department seems so sure of its facts we challenge it to provide us with details…
Umalma si Defense Secretary Delfin Lorenzana at hinamon ang US State Department na maglabas ng mga katibayan na may pang-aabuso sa karapatang pantao na ginawa ang mga security forces sa bansa.
“Absent this data the accusations are nothing but innuendos and witch hunts. At worst, the State Department has become a gullible victim of black propaganda.
Tinawag ng kalihim ang nasabing ulat na “witch hunt” kung saan ang kanilang akusasyon daw ay walang ebidensya.
Ayon kay Sec. Lorenzana, kailangan nila ng pruweba upang maberipika ito ng Commission on Human Rights na isang constitutional and independent body,at oras na mapatunayan ang mga akusasyon ay paparusahan ang mga nagkasala, pahayag ni Sec. Lorenzana.
Sinabi pa ng kalihim na ang Armed Forces of the Philippines (AFP) ay lumabas na nangunguna sa isinagawang pag aaral ng isang independent poll body, bilang most trusted agencies ng gobyerno kamakailan.
Ayon kay Lorenzana hindi ito makakamit ng AFP kung may mga naitalang kaso ng pang-aabuso, torture at pagpatay ng mga tao.
Batay sa 2021 Country Report on Human Rights Practices, ang US State Department ay nakatanggap ng “credible reports” na may mga naitalang pang-aabuso ang mga miyembro ng security forces ng Pilipinas.
Kabilang dito ang mga sumusunod: “unlawful or arbitrary killings, including extrajudicial killings, by and on behalf of the government and non-state actors; reports of forced disappearance by and on behalf of the government and non-state actors; torture by and on behalf of the government and non-state actors; harsh and life-threatening prison conditions; (and) arbitrary detention by and on behalf of the government and non-state actors. (VICTOR BALDEMOR)
