MULA Northern Luzon Area Command, hinugot ni Pangulong Ferdinand Bongbong Marcos Jr., bilang kanyang unang itinalagang Philippine National Police chief .
Hinirang ni Pangulong Marcos, si Lt. Gen. Rodolfo Azurin, Jr. miyembro ng Philippine Military Academy Makatao Class of 1989 bilang bagong PNP chief. Ito ang kinumpirma ni Press Secretary Trixie Cruz-Angeles.
“Under PLtGen Azurin’s direction, we assure the public that our police force will sustain its momentum to carry out PNP’s mission and to deliver its mandate with utmost integrity, credibility and professionalism, all for safety and protection of our Filipino people,” ayon sa inilabas na pahayag ni PNP Public Information Office chief BGen. Roderick Alba .
Sa isang pahayag, sinabi ni Police BGen Roderick Alba na makakaasa si Azurin sa suporta ng 226,000 na tauhan ng PNP.
Papalitan ni Azurin, si Lt. Gen. Vicente Danao na itinalaga ni dating Pangulong Rodrigo Roa Duterte bilang Officer- in- Charge ng PNP bago ang May 9 National and Local election.
Si Azurin ay commander ng Northern Luzon Police Area, kung saan sakop nito ang Ilocos (Region 1), Cagayan Valley (Region 2), Central Luzon (Region 3) at Cordillera Administrative Region.
Nagsilbi rin si Azurin bilang commander ng Southern Luzon Police Area, kung saan saklaw nito ang Calabarzon (Cavite, Laguna, Batangas, Rizal, Quezon) – Region 4-A; Mimaropa (Mindoro, Marinduque, Romblon, Palawan) – Region 4-B at Bicol (Region 5).
Nagsilbi rin si Azurin bilang Directorate for Comptrollership (DC) at Directorate for Information and Communication Technology Management (DICTM).
Nagsilbi rin si Azurin bilang director ng Maritime Group at naging regional director bg Police Regional Office 1 sa Ilocos.
Nagsilbi rin si Azurin bilang provincial director ng Benguet Province at Chief Task Force Limbas ng Highway Patrol Group (HPG) at naging Deputy Operations Officer of Presidential Anti-Organized Crime Task Force (PAOCTF).
Ipinanganak si Azurin noong Abril 24, 1967 sa Paniqui, Tarlac at lumaki sa La Trinidad, Benguet.
Ayon kay Alba, tiwala sila na sa pamumuno ni Azurin bilang ika- 28 PNP chief ay maipagpatuloy nito ang kampanya ng PNP nang may integridad at kredibilidad sa pagprotekta sa mga mamamayan. (VICTOR BALDEMOR)
