Nakipagsabayan ang United States Coast Guard at Philippine Coast Guard kasama ang iba pang bantay dagat ng ibang bansa sa inilatag na pagsasanay para mas mapalakas ang maritime security.
Inihayag ng US Embassy in Manila na naging matagumpay ang sanib-pwersa ng pagsasanay ng USCG Southeast Asia Training Team (SEATT) at Philippine Coast Guard (PCG) sa isang multinational Boarding Officer Course sa Davao City.
Layunin nito na palakasin ang kakayahan at kooperasyon ng mga ahensya ng pagpapatupad ng maritime laws sa rehiyon.
Pinondohan ito ng U.S. Department of State’s Bureau of International Narcotics and Law Enforcement Affairs (INL), kung saan tinuruan ng mga U.S.-trained instructors at mga guide mula sa USCG at Vietnam Customs ang mga kalahok sa ligtas na pagsasagawa ng vessel boardings sa dagat.
Aabot sa 32 kalahok mula sa PCG, Philippine National Police-Maritime Group, Vietnam Coast Guard, Vietnam Customs Anti-Smuggling and Investigations Department, Vietnam Department of Fisheries Surveillance, at Indonesia Coast Guard ang sumabak sa pag-aaral.
Habang nagsagawa rin ng kanilang observation ang Australian Border Force sa unang linggo ng mga aktibidad.
Coast guard and fishery officials from the Philippines, United States, Vietnam and Indonesia practiced vessel boarding and arrest techniques at a joint maritime law enforcement training, ayon pa sa US Embassy in Manila.
Ayon kay USCG Team Lead Lieutenant Dana Schmitt, nakakatuwang makita ang propesyonal na paglago at kumpiyansa ng mga instruktor at mga kalahok.
Ayon naman kay Commodore Rejard V. Marfe ng Coast Guard District Southeastern Mindanao, mahalaga ang U.S. expertise, resources, at guidance upang matiyak na mas mahusay silang nakahanda sa mga banta sa karagatan. Ito ay sa gitna ng umiinit na maritime conflict sa China
“Together, we reaffirm our commitment to ensuring that our maritime sovereignty remains a zone of peace, safety and prosperity for all,” ani Marfe sa statement inibas ng US embassy.
Ito ang unang training event sa Mindanao at unang Philippine-hosted SEATT course na may Vietnamese na instructor.
Magpapatuloy ang SEATT program na magdaos ng mga training events sa Pilipinas sa 2025.
