Patay ang isang Tsinoy matapos bumangga ang sinasakyang motorsiklo sa isang kongkretong poste kahapon ng madaling araw sa southbound lane ng Zamora interlink sa Pandacan,Maynila.
Hindi na naisalba sa Sta.Ana Hospital, ang biktimang si Wilbert Chan, nasa hustong edad at taga No. 119 P Ducos Street, Quiapo Maynila.
Sa imbestigasyon ni PSSg Allen Christian M Camangon ng Manila District Traffic Enforcement Unit (MDTEU), ala-1:30 ng madaling araw nang maganap ang insidente sa nabanggit na lugar.
Sa imbestigasyon,sakay umano ang biktima ng kanyang motorsiklong may MV FILE number 1303-0975255 at binabagtas ang nabanggit na.lugar.
Pagsapit sa pababang bahagi ng kalsada ay nabangga ng biktima ang concrete pole ng Skyway.
Bumagsak ang biktima sa sementadong kalsada at nagtamo ng mga sugat at dinala sa pagamutan.
Alas.-3:18 ng madaling araw nang ideklarang patay ang biktima ng mga doktor sa pagamutan. (Carl Angelo)
