PATAY ang isang tricycle driver matapos barilin ng tatlong beses ng nakasagutang negosyante, nang harangan ng tricycle ng una ang driveway ng huli ,kamakalawa ng gabi sa Balut, Tondo, Maynila.
Hindi na naisalba ng mga doktor sa Tondo Medical Center,ang biktimang si Jose Caones Jr.,51, ng 175 Sophia St., Tondo, Maynila na nasawi dahil sa tama ng bala sa ulo at katawan.
Arestado naman ng mga tauhan ng Smokey Mountain Police Community Precint ang suspek na si Julius Quezon,56,negosyante at residente ng 162 Moderna St.Balut ,Tondo.
Sa imbestigasyon ni PCMs Joseph Kabigtingng Manila Police District-homicide section, naganap ang insidente,alas-6 ng gabi sa Moderna Street.
Bago ang insidente,nabatid na nagkaroon ng mainit na pagtatalo ang biktima at suspek dahil sa nahaharangan ng tricycle ng biktima ang driveway ng suspek.
Sa puntong iyon,puwersahang pumasok sa loob ng bahay ng suspek ang biktima,armado ng patalim at nang makita ng suspek ang biktima na nasa loob na ng kanyang bakuran ay binaril naman ang biktima ng tatlong beses.
Naaresto naman ang suspek sa kanyang bahay ng mga nagrespondeng pulis. (Carl Angelo)
