Nagkasunog sa ikatlong palapag ng Lucky Chinatown Mall kahapon ng umaga na sa Meisic Street, Binondo, Maynila.
Batay sa ulat ng Manila Bureau of Fire Protection, alas- 6:45 nang magsimula ang sunog kung saan sarado pa ang mall.
Idineklara ng BFP na ‘fire out’ ang sunog alas- 7:55 ng umaga.
Walang iniulat na nasaktan o nasawi sa nabanggit na sunog.
Samantala, patuloy na iniimbestigahan ng arson division ang sanhi ng sunog at halaga ng napinsalang ari-arian.
