Soltero, nagbigti
Nagsuot ng maayos na damit, naka jacket pa ng leather at nagsapatos pa ng balat at naghabilin sa kanyang iniwan na suicide note na i-cremate ang kanyang bangkay bago tuluyang nagbigti ang isang 53-anyos na soltero, kamakalawa ng umaga sa loob ng kanyang unit sa Cityland Vito Cruz Tower na matatagpuan sa 720 P. Ocampo St ., Malate, Maynila .
Nadiskubreng nakabigti sa balcony ang biktimang si Ruelito Pine, 53, empleyado at nanunuluyan sa unit 2618 City Land Vito Cruz gamit ang isang kulay pulang nylon cord, alas- 11:20 ng umaga.
Isang Ms. Dominguez ang tumawag sa management ng condominium ang tumawag at hiniling na alamin kung bakit hindi sumasagot sa tawag ang biktima.
Pinuntahan umano ng security guard na si Dave John Israel ang unit pero hindi sumasagot ang biktima kaya ginamitang ng duplicate key at dito tumambad ang nakabigting biktima.
Sa suicide note, hiniling nito na mai-cremate ang kanyang bangkay. Patuloy naman inaalam ang dahilan kung bakit nagpakamatay ang biktima.
Dinala ang bangkay sa punerarya para sa awtopsiya at safekeeping.
