ISA si RR Enriquez sa ilang celebrity na nag-react sa ipinatayong resort sa may Chocolate Hills sa Bohol na mainit na pinag-uusapan sa ngayon.
Sa post kasi ni RR, ipinahiwatig nitong wala naman daw masama sa itinayong resort sa cultural heritage ng Pilipinas lalo kung makakatulong daw ito sa turismo ng bansa.
Komento pa ni RR, hindi kagandahan ang pagkakagawa ng resort at sana raw ay pinaghandaang mabuti ang disenyo at budget para mas naging kaaya-aya ito.
Natural na maraming netizens ang sumalungat sa kanyang opinyon, pero hindi ito pinalampas ni RR at sinagot ang mga ito.
Aniya, hindi siya apektado sa komento ng isa sa netizen dahil alam niyang mas may laman ang utak niya.
Sabi kasi ng isang comment sa post ni RR: “Minsan pag sawsawera dapat may laman din ang utak..Mahirap kasi ma back to you so pag hindi sure sa topic dapat maging opinion mo ay MANAHIMIK.. Or wag mo i public post para opinion m lang mag matter, and not to spread out STUPIDITY..Oops just my opinion.”
Sagot ni RR: “I’m not affected because I know mas may laman utak ko sayo.”
