Nagbitiw na si Leyte Rep. Martin Romualdez bilang House Speaker nitong Miyerkules, Sept. 17 upang mailayo ang Kongreso sa mga paratang ng katiwalian na ibinabato laban sa kaniya at bigyang daan ang mas buo at malayang imbestigasyon sa infrastructure projects Siya ay pinalitan ni Isabela 6th District Representative Faustino “Bojie” Dy III.
“The issues on certain infrastructure projects have raised questions that weigh not only upon me but upon this institution we all serve… The longer I stay, the heavier that burden grows on me, on this House and on the President I’ve always sought to support,” ani Romualdez.
Ayon pa kay Romualdez, suportado niya ang “independent scrutiny” kaugnay sa alegasyon ng katiwalian sa flood control projects at ginawa raw niya ang pagbibitiw upang malayang maisakatuparan ng Independent Commission on Infrastructure ang mandato nang walang pagdududa, walang panghihimasok at walang hindi nararapat na impluwensiya.
Tiniyak naman ni Dy na wala siyang poprotektahan dahil naniniwala siya na sila sa Kamara ay hindi nariyan upang protektahan ang isa’t-isa kungdi para proteksyunan ang sambayanang Pilipino.
“I will not defend the guilty. I will not shield the corrupt Mayroon po kaming pagkukulang. Kami po ay nagpapakumbaba sa inyo. Nakikiusap po kami na sana ay bigyan n’yo kami ng pagkakataong ituwid ang mga maling kalakaran at linisin ang aming hanay,” pahayag ni Dy.
