Walang balakid sa sinusulong ngayong Comprehensive Archipelagic Defense Concept ng Kagawaran ng Tanggulang Pambansa at ng Hukbong Sandatahan, maging ang mga nakalatag na modernization program ng defense department, matapos tanggihan ni Pangulong Ferdinand ‘Bongbong’ Marcos, Jr., ang inihahing courtesy resignation ni DND Secretary Gilberto “Gibo: Teodoro, Jr.
“Our mission at the Department of National Defense continues. I thank the President for his continued trust and confidence as we pursue his vision of strengthening the nation’s defense, protecting the patrimony of our archipelagic nation, and promoting regional peace and stability,” ani Teodoro.
Bukod kay Teodoro ay hindi rin tinanggap ni PBBM ang courtesy resignation nina DILG Sec, Jonvic Remulla at kapatid nitong si Department of Justice Sec. Jesus Crispin Remulla.
Hanggang kahapon ay wala pang inilalabas na update ang Malakanyang kaugnay sa courtesy resignation ni National Security Adviser Eduardo Año.
Iginagalang naman umano ng pamunuan ng Armed Forces of the Philippines ang pasya ng kanilang commander- in- chief na huwag tanggapin ang pagbibitiw ni Secretary Teodoro.
Bago pa ang mga isyu hinggil sa paghahain ng courtesy resignation ng mga miyembro ng gabinete, mga presidential advisers na may cabinet rank at mga GOCC, ay humiling si Sec. Teodoro na magkaroon ng consultative meeting kina Executive Secretary Lucas Bersamin at sa mga economic managers ng gobyerno, kabilang na sina Finance Secretary Ralph Recto at Budget Secretary Amenah Pangandaman, tungkol Department of National Defense proposed 2026 budget.
Layunin ng Kalihim na masigurong ang kanyang kagawaran aya magkakaroon ng sapat na resources para higit pang mapalakas ang kakayahan ng ng military at malinang ang kahandaan nito.
“We continue to work shoulder to shoulder with the Department of National Defense in advancing our modernization goals and strengthening our Comprehensive Archipelagic Defense Concept. Under his leadership, we remain committed to protecting our sovereignty, especially in the West Philippine Sea,” ani Col. Margareth Francel Padilla, ang tagapagsalita ng AFP.
Ang administrasyong Marcos ay nagpatupad ng whole-of-government strategy para sa defense and security sa ilalim ng ‘Bagong Pilipinas’ agenda.
