Nakahanda ang Department of Justice(DOJ) na bigyan ng proteksiyon at seguridad ang pamilya ng pinaslang na broadcaster na si Percy Lapid.
” Yes, I already offered that to Roy. I talked to him and I told him we’re ready to.. for anything that he may need especially for security,” ayon kay Remulla.
Ito ay matapos sabihin ni Roy Mabasa, kapatid ni Lapid, na nakakatanggap siya ng death threat at ang pamilya ng kanyang kapatid.
Kaugnay nito,hindi naman kinumpirma ni Remulla kung sinabi na ni Marissa,kapatid ng nasawing middleman na si Jun Villamor kung sino ang mastermind sa pagpaslang kay Lapid.
” Hindi pa. (But) We cannot speculate. I think it’s unfair to speculate. We will….basta aabutin natin kung saan man matutumbok yan, tutumbukin natin,” ayon kay Remulla nang tanungin kung sinabi nito kung sino ang mastermind sa pagpaslang kay Lapid.
Si Marissa ay nasa ilalim na ng Witness Protection Program (WPP). (Philip Reyes)
