Nagpahayag ng pagdududa si Justice Secretary Jesus Crispin “Boying” Remulla sa tunay na halaga ng aktuwal na taxes due mula sa Marcos estate.
Sa kabila nang hindi naman idinetalye ni Remulla ang tamang halaga ng buwis sa Marcos estate ay naniniwala siya na mayroong pagkakamali sa ginawang pag-compute ng buwis sa Marcos estate
“First of all, if you look at the figures, they seem improbable. Figures were computed based on a biased computation. I don’t think that it’s proper for us to compute the figures the way they were computed,” ayon kay Remulla sa isinagawang pagtitipon sa Rotary Club of Manila.
Nabatid na batay sa 1997 Supreme Court (SC, may pananagutang buwis na P23 bilyon ang Marcos estate base sa 1991 Bureau of Internal Revenue (BIR) assessment dahil sa pagkabigo na magsumite ng estate tax returns at magbayad ng estate tax mula noong mamayapa si dating Pangulo Ferdinand Marcos, Sr. sa Hawaii noong 1989.
Ang abogado na humamon kay Marcos noong tumakbo ito sa pagka-Pangulo ay nagsabing aabot sa P203 bilyon ang di nabayarang buwis dahil sa interest, surcharges at multa dahil sa hindi pagbabayad may tatlong dekada na ang nakalilipas.
Sinabi rin ni Remulla na maaring walang basehan na papanagutin ang mga Marcos sa estate tax.
Hindi naman ipinaliwanag ni Remulla kung “biased” o “improbable” ang computation.
“Assets that were never passed on to the heirs were being taxed a charge of estate tax. So from the very beginning, I think the premises were ridiculous. Hopefully…I can be proven wrong by what I am saying but that is what I surmise,” dagdag ni Remulla.
“You pay taxes on something that you get not something you do not get. So you should be charged for something that you got but not for what you do not get,” aniya. (Anthony Quindoy)
