DESIDIDONG magtulong-tulong na ngayon ang ibat-ibang ahensya ng gobyerno na nasa ilalim ng National Task Force-To End Local Communist Armed Conflict (NTF-ELCAC) para mawakasan na sa lalong madaling panahon ang insurgency at rebellion isinusulong ng Communist Party of the Philippine na sagwil sa kapayapaan at kaunlaran ng bansa.
Nagsagawa ng pagpupulong ang ibat ibang ahensiyang kasapi ng ahensiya sa pangunguna ni National Security Adviser and NTF ELCAC vice chair Clarita Carlos, Department of National Defense Officer in Charge Jose Fautino Jr., at Armed Forces of the Philippine Chief of Staff General Bartolome VO Bacarro.
Ayon kay National Security Adviser Clarita Carlos naging buod ng kanilang pagpupulong ang sama samang pagkilos at implementasyon ng mga programa ayon sa mandatong ng pagkakalikha ng NTF-ELCAC na tapusin na ang suliranin sa rebelyong isinulong ng CPP-NPA.
“I guess what we have done in this four hour long meeting of the ntf elcac would really be to reiterate the philosophical and operational basis of the NTF-ELCAC which is whole of nation and a whole of government work which means everybody has to row together in the same direction to obliterate all the obstacles to our national elopementent and this would be in the case of the enemies of the state to make sure that all our 42,000 brgys would really have a chance to be part of our economic growth.”
Isa sa mga hamon na kinakaharap ng Task Force ang armadong galamay ng CPP ang New People’s Army na ayon kay Gen Baccaro ay unti-unti nang nadudurog at nakikita na ang pagwawakas armadong hidwaan.
Ayon kay Gen Bacarro , nang simulan nila ang kampanya laban sa CPP-NPA ay mayroong silang 89 guerrilla fronts. “Targetting 89 guerrilla fronts and we are happy to report that right now out of that 89 ay 24 na lang na guerrilla front ang kino confront natin.”
At sa nasabing bilang na 24 guerrilla fronts, 19 dito ay weakened , mahina na at nalalapit na ring ma-dismantled. “19 are already weakened and we foresee that these 19 guerilla fronts will be dismantled the soonest possible time so we are left with only five guerrilla fronts right now “
Naniniwala si Baccaro na ang hamon nilang kinakaharap laban sa CPP-NPA ang pagsugpo sa nalalabing limang guerilla fronts na nasa Northern Samar At South Cotabato.
Sa datos ng AFP mayroon na lamang 2,112 na nalalabing NPA gerilya na may 1,800 na armas na nakakalat sa 154 na barangay .
“So that is the challenge that we have right now, so its not really actually a challenge but those are the things that we need to address right now and we do believe that with the collaboration of the different agencies we will be able to successfully address these problems ,” ani Bacarro.
Sa nasabing pagpupulong ay nakikitang mga balakid sa madaling ikapagtatagumpay ng programa ang burukrasya, ang isinusulong na amnesty program para sa lahat ng uri ng rebelde at kakulangan ng pondo particular sa ipinangakong P20 million sa bawat barangay na nagdedeklara insurgency free. (VICTOR BALDEMOR RUIZ)
