Naging matagumpay at panatag ang isinagawang resupply mission ng AFP Western Command sa BRP Sierra Madre sa Ayungin Shoal kamakalawa, October 5.
Ayon kay Vice Admiral Alberto B Carlos PN, Commander ng AFPs Western Command (WESCOM), “the absence of Philippine Government escort vessels was deliberate. We are exhausting all available means to peacefully co-exist until all WPS issues are finally resolved.”
Nabatid na hindi pumapel o nagsagawa ng shadowing o radio challenge ang mga namataang Chinese Coast Guard sa may bahagi ng West Philippine Sea habang nagsasagawa ng resupply mission ang Philippine Navy.
“Our current thrust is part of the trust-building efforts we are undertaking in response to the guidance of the President to exhaust all means to resolve the issues in the West Philippine Sea. Hence, continuing dialogues with Chinese authorities is one such approach,” ani Vice Admiral Carlos.
Ayon kay Wescom spokesperson Maj Cherryl Tindo, “This resupply mission is the 10th that WESCOM has conducted this year and the 3rd since President Bongbong Marcos has taken the helm as the Commander in Chief. The situation since then has remarkably improved.”
Sa isinumiteng ulat ng Joint Task Force West sa pangunguna ni Captain Alan Javier, nakapaghatid ang militar ng food supplies, tubig, gamot, maintenance at repair equipment at iba pang pangangailangan sa barko ng Navy.
Ligtas din aniyang nakapasok at nakalabas ang barko na naghatid ng supply sa Ayungin Shoal.
Samantala, sinabi naman ni Vice Admiral Alberto Carlos, commander ng AFP Western Command, na naresolba na ang isyu sa pagbiyahe ng barko ng Pilipinas sa West Philippine Sea kaya wala na silang naging problema sa resupply mission sa BRP Sierra Madre.
Giit pa nito na magpapatuloy ang suporta ng WesCom sa morale at kapakanan ng mga sundalo na nagbabantay sa outpost sa Ayungin Shoal. (VICTOR BALDEMOR)
