IPINAHAYAG ng Bureau of Immigration (BI) na magpapatupad ng paghihigpit ang kanilang nga opisyal sa mga airports at seaports sa bansa sa mga biyahero mula China.
Ito ay matapos ang ulat ng panibagong Covid-19 surge sa isang rehiyon sa China, kung kaya naman kinukunsidera ng mga bansa ang pagpapairal muli ng travel bans.
“We take the cue from the DOH, the IATF, and the Office of the President on implementing travel restrictions,” sabi ni BI Commissioner Norman Tansingco.
“While we have not received any directive yet about it, we are ready at any time to implement any such measures that the government deems appropriate to prevent another surge in the Philippines,” dagdag pa nito.
Matatandaan na noong kasagsagan ng pandemya, ang BI ay nagpatupad ng country-specific travel bans upang maiwasan ang pagpasok ng ilang Covid-19 variants sa bansa.
Ayon pa sa BI, may 30,002 turistang Chinese ang nakapasok sa bansa noong 2022.
“Chinese nationals used to take the second highest spot in the number of arrivals in the country, next to South Koreans,” sabi ni Tansingco.
“But during the pandemic, due to travel bans both here and in their home country, the number has drastically dropped,” pahayag pa nito.
Ang nasabing bilang ay 0.48% lamang ng kabuuan nang mahigit na 6.1 million na biyaherong dumating sa bansa at naitala ng BI noong 2022. (JERRY S. TAN)
