Magpapatupad ng online classes ang Pamantasan ng Lungsod ng Maynila (PLM) dahil sa matinding init ng panahon, simula sa darating na Lunes, Abril 15.
Ayon sa isang advisory ng PLM, “Effective April 15, 2024, due to increasing heat index and as part of our commitment of prioritizing the health and safety of our stakeholders, faculty members are given the discretion to shift to online synchronous mode of learning depending on the requirement(s) of the subject course.”
Kaugnay nito ay maglalabas rin umano ang PLM ng update sa mga estudyante hinggil sa pagbabago ng class schedules, kasabay ng paglalabas nila ng mga guidelines para sa online classes.
“The PLM administration will release updates should there be further developments and changes on the conduct of classes,”dagdag pa ng PLM.
Napag-alaman na bubuo rin umano ang Office of the Vice President for Academic Affairs and College Deans ng mga mekanismo hinggil sa pagdaraos ng online classes.