ISANG Filipino mountaineer ang iniulat na namatay noong Huwebes bago pa nito maakyat ang tuktok ng pinakamataas na bundok sa mundo — ang Mt. Everest.
Kinilala ang nasawing Pilipino na si Engr. Philipp Santiago II, 43-anyos, miyembro ng 2025 Mountaineering Association of Krishnanagar-Snowy Everest Expedition.
Sa report ng Himalayan Times, iniulat na nasawi si Santiago habang naghahanda sa Camp 4 na umakyat sa Mt. Everest.
Kinumpirma na ng pamilya ni Santiago ang malungkot na balita at humihingi sila ng “privacy” sa panahon ng kanilang pagdadalamhati.
