DALAWANG major unit commanders ng Philippine Navy ang itinalaga ni Navy Flag Officer in Command Admiral Adeluis Bordado .
Pamumunuan ngayon ni Major General Charlton Sean Gaerlan bilang bagong commandant ang Philippine Marine Corps.
Nabatid na bago umupo bilang ika-35 Commandant ng Phil. Marine Corps, pinamunuan muna ni Maj. Gen. Gaerlan ang AFP Education, Training and Doctrine Command.
Miyembro rin ito ng Philippine Military Academy (PMA) “Makatao” Class of 1989 na nagsilbi rin bilang Assistant Deputy Chief of Staff for Intelligence, 3rd Marine Brigade Commander, Marine Corps Inspector General, Deputy Commander of Naval Forces Western Mindanao at Deputy Brigade Commander ng 2nd Marine Brigade.
“His leadership capabilities, management skills and excellent academic background paved for numerous opportunities that shaped his agility in decision-making. I believe these will allow him to lead the Marines well”, ani Vice Admiral Bordado.
Si Brigadier General Joseph Ferrous Cuison naman ang magsisilbing commander ng Naval Reserve Command habang si Brigadier General Cuison ng PMA “Bigkis Lahi” Class of 1990 ay nagsilbi bilang Armed Forces of the Philippines (AFP) deputy inspector general bago nanungkulan bilang commander ng NRC.
Ang panunumpa sa tungkulin ng dalawang opisyal ay isinagawa sa Joint Change of Command Ceremony sa Philippine Navy Headquarters. (VICTOR BALDEMOR)
