NAKIKIPAGSABAYAN ngayon ang mga piling tauhan ng Philippine sa Australian Armies sa ginaganap na Carabaroo 2023 military drill sa Australia.
Nitong nakalipas na lingo ay pinasimulan ng Philippine Army at Australian Army ang Exercise Carabaroo 2023 sa 1st Combat Engineer Regiment (CER) Headquarters, Robertson Barracks, sa Darwin, Northern Territory, Australia.
Ayon kay Col Xerxes Trinidad taga pagsalita ng Hukbong Katihan ng Pilipinas , ang e bilateral ay gaganapin sa Gunn Point, Darwin City, Robertson Barracks, Melville Island, Tiwi Islands, at Channel Island.
Layunin ng sabayang pagsasanay na malinang at madagdagan ang survivability, lethality, command, and control ng kasundaluhan sa urban environment habang pinalalakas din ang interoperability ng multinational combined arms teams.
Bukod sa mga sundalong sumasalang sa matinding war exercises ay may mga ipinadala ring mga Philippine Army observers and evaluators si Army Commanding General Lt.Gen Roy Galido para mapag aralan ang mga best practices at operational aspects ng mga pagsasanay na makakatulong na mahasa pa ang Hukbong Katihan sa kanilan combined arms operation.
“The PA’s participation in Exercise Carabaroo 2023 will also strengthen its security and defense cooperation with the Australian Defense Force and other partners in the Indo-Pacific region, “ dagdag pa ni Col Trinidad, Army Public Information Office commander .
Nabatid na hinango ang pangalang Carabaroo mula sa pinagsamang Philippine carabao at Australian kangaroo – “a bilateral exercise that conducts dismounted infantry operations in urban terrain.”
