INAPRUBAHAN ng Commission on Elections (Comelec) ang petisyon para idiskuwalipika si Albay Governor Noel Rosal makaraang mapatunayan na namigay siya ng ‘cash assistance’ sa mga tricycle drivers at senior citizens noong Abril.
Sa resolusyong inilabas ng Comelec First Division nitong Lunes, pinagbigyan ang Petition to Disqualify’ laban kay Rosal na inihain ni Joseph San Juan Armogila, sa ilalim ng SPA Case No. 22-031.
Ayon sa Comelec, lumabag si Rosal sa Section 261 ng Omnibus Election Code nang mapatunayan na namigay nga siya ng ‘cash assistance’ sa mga tricycle drivers at senior citizens noong Abril 2022, na nasa ilalim ng panahon ng ‘Prohibition against the release, disbursement or expenditure of public funds’. Pasok ito sa 45 araw bago ang May 9, 2022 National and Local Elections.
Naging ‘unanimous’ ang desisyon ng 1st Division. Pagbibigyan naman ang kampo ni Rosal na maghain ng mosyon base sa Section 2 Rule 19 ng Comelec Rules of Procedure.
“Technically, what we are saying is that with the decision not having yet attained the status of being final and executory, the Commission cannot, as of this time, the requisite Certificate of Finality which is required prior to the issuance of a Writ of Execution to implement the resolution,” saad ni Comelec spokesperson John Rex Laudiangco.
“O put it otherwise po, we cannot yet remove him from office and implement the disqualification without a Certificate of Finality,” paglilinaw pa niya. (Carl Angelo)
