NASAWI ang isang 36- anyos na lalaking nabiktima ng hit- and- run ng dalawang motorsiklo na bumangga sa kanya sa northbound lane ng Jose Abad Santos at Tecson Street, Tondo , Maynila.
Kinilala ng Manila District Traffic Enforcement Unit-Vehicle Traffic Investigation Section (MDTEU-VTIS),ang biktima na si Wilson Mallari, ng No..2530 Jose Abad Santos, Tondo, Maynila, habang tumakas naman ang rider ng dalawang motorsiklo na nakabangga sa biktima.
Ayon sa imbestigasyon, naganap umano ang insidente alas- 12:30 ng madaling araw sa nabanggit na lugar.
Nakita sa CCTV footage ng Barangay 219 Zone 20 na naglalakad ang biktima sa northward direction ng 2nd lane ng Abad Santos nang aksidenteng mabangga ng isang motorsiklo. Sa lakas ng impact ay bumagsak ang biktima sa sementadong kalsada .
Sa kasamaang-palad, isa pang motorsiklo ang nagulungan ang ulo bg biktima na naging sanhi ng agawan nitong kamatayan.
