Latest News

PDEA HANDANG MAGSUMITE NG KANILANG REPORT SA ICC

HANDA ang mga ahensya ng pamahalaan na isumite sa International Criminal Court (ICC) at iba pang human rights advocate ang datos kaugnay sa kanilang War on Drugs kabilang na mga nakumpiskang iligal na droga sa bansa.

Nangako ang Philippine Drug Enforcement Agency (PDEA) na magsusumite ng report hinggil sa war on drugs sa Pilipinas sa human rights organizations at International Criminal Court (ICC).

“Rest assured that PDEA is ready, willing and able to present any appropriate data related to the national anti drug campaign when solicited,” ayon sa inilbs na pahayag ni PDEA Director Derrick Carreon

Ito ay kasunod ng direktiba mula sa Pangulong Rodrigo Duterte sa PDEA na magsumite ng up-to-date report sa volume ng nakumpiskang iligal na droga partikular na sa methamphetamine hydrochloride o shabu.

Tiniyak ng ahensiya na nakahanda silang ipresenta ang kaukulang mga data may kaugnayan sa anti-illegal drugs campaign ng kasalukuyang administrasyon.

Maaalala na pinahintulutan ng ICC Pre-Trial Chamber ang Office of the Prosecutor noong nakalipas na taon ang full-blown investigation sa alegasyong crime against humanity laban kay Pangulong Duterte.

Pansamantalang sinuspendi naman ng ICC ang imbestigasyon nito habang inaassess ng prosecution ang scope at effect ng deferral request.

Batay sa claim ng ilang human rights groups, umaabot sa 12,000 hanggang 30,000 ang aktwal na bilang ng mga indibidwal na napatay sa kasagsagan ng drug war campaign.

Base sa “RealNumbersPH Year5” na inilabas ng PDEA, nasa 6,235 ang napatay sa mga isinagawang anti-drug operations. Sinasabing nakapagsagawa sila ng 229,868 anti-illegal drug operation at nasa 331,694 katao naman ang kanilang nadakip.

Kabilang dito ang may 14,648 high value targets na kinabibilangan ng 353 foreign nationals, 398 elected officials, 126 uniformed personnel, 525 government employees , 4,018 target listed 707 drug group leaders/members, 78 armed group members, 1,556 drug den maintainers, 291 wanted listed, 24 celebrities/PRC License holders at 6,482 na nadakip sa mga high impact operations. (VICTOR BALDEMOR)

Tags:

You May Also Like

Most Read