MISMONG si Pangulong Ferdinand Bongbong Marcos, Jr. bilang commander-in-chief ng Armed Forces of the Philippines (AFP) ang inaasahang magiging panauhing pandangal sa gaganaping pagtatapos ng 278 cadets ng Philippine Military Academy Bagong Sinag Class 2024.
Ayon kay Major Charito Dulay, Chief of the Philippine Military Academy (PMA) Public Affairs Office, magsisilbing guest of honor at speaker si Pangulong Marcos sa gaganaping commencement exercise sa darating na May 18, 2024.
Ipinakilala ng Philippine Military Academy ang Top 10 cadets ng PMA Bagong Sinag (Bagong Henerasyong Gagampanan ang Tama: Serbisyo, Integridad, at Nasyonalismo ang aming Gabay) Class of 2024 sa pangunguna nina: Cadet 1CL Jeneth Elumba (Surigao City, Surigao del Norte): Magna Cum Laude, Presidential Saber, Philippine Army Saber, Jusmag Saber, Australian Defense Best Overall Performance Award (Army), Tactics Group Award, Army Professional Plaque;
Cadet 1CL Mark Armuel Boiles (Novaliches, Quezon City): Vice Presidential Saber, Philippine Air Force Saber, Academic Group Award, Management Plaque, Air Force Professional Courses Plaque, General Antonio Luna Award, Australian Defense Best Overall Performance Award (Air Force);
Cadet 1CL Kim Harold Gilo (Villa Kananga, Butuan City): Magna Cum Laude, SND Saber, Philippine Navy Saber, Australian Defense Overall Performance Award (Navy), Natural Sciences Plaque
Cadet 1CL Cyril Joy Masculino (Nabua, Camarines Sur): Magna Cum Laude
Cadet 1CL Rosemel Dogello (Jamindan, Capiz): Cum Laude
Cadet 1CL Alexa Mye Valen (Kapatagan, Lanao del Norte)
Cadet 1CL Floyd Niño Arthur Roxas (Leganes, Iloilo): Information Technology Plaque, Department of Leadership Plaque, AGFO Incorporated Award
Cadet 1CL Giselle Tong (Tuguegarao City, Cagayan): Mathematics Plaque
Cadet 1CL Danica Marie Viray (Pasay City): Cum Laude
Cadet 1CL Neriva Binag (Cabagan, Isabela)
Ang Bagong Sinag Class 2024 ay binubuo ng 278 cadets, kung saan nasa 224 ang lalaki at 54 ang kababaihan.
Ilang araw bago ang kanilang pagtatapos ay sinamahan ni Army Commanding General Lt. Gen. Roy M. Galido sa 5km Road Run ang mga Philippine Army cadets mula sa PMA “Bagong-Sinag” Class of 2024 sa PMA Grounds, Fort Gen. Gregorio H. del Pilar, Loakan Rd, Baguio City kahapon.
Ayon kay Lt. General Galido, “staying healthy and fit will help them overcome, conquer, and excel in their military service.” “Sama-sama tayong magpalakas at pangalagaan ang ating kalusugan para sa isang “Matatag na Hukbong Katihan para sa Bagong Pilipinas”.
