Patay ang isang 58-anyos na lalaking pasyente sa Ospital ng Tondo matapos na tumalon mula sa bintana sa Ika-apat na palapag, kahapon ng madaling araw sa Jose Abad Santos,Tondo,Maynila.
Lasog-lasog at namatay noon din ang biktimang si Jerry De Guzman, residente ng 1139 B.Vargas St.Tondo.dahil sa.matinding pinsalang tinamo nito.
Sa imbestigasyon ni PSMS Jason Ibasco ng Manila Police District -homicide section, nangyari ang pagpapakamatay ng biktima ala-1:15 ng madaling araw.
Ayon kay Roel Abella,stepson ng biktima, nakahiga sa kanyang hospital bed ang biktima nang bigla itong nagtatakbo papuntang bintana at saka biglang tumalon.
Napag-alaman kay Marlyn Punzalan, kapatid ng biktima, na una na umano itong nagtangkang magpakamatay kelan lamang pero napigilan.
Inaalam pa ng pulisya ang dahilan nang pagpapakamatay ng biktima. (Philip Reyes)
