SIMULA ngayon ay nanungkulan bilang mga bagong pinuno ng iba’t -ibang tanggapan ng Philippine National Police ang ilang senior police officers na apektado sa panibagong sigwada ng balasahan sa organisasyon.
Sa direktiba ni PNP chief Police General Rommel Francisco Marbil, pinalitan ang namumuno sa Area Police Command Western Mindanao at maging sa Area Police Command Southern Luzon kaya’t apektado rin ng rigodon ang ibang APC.
Inalis bilang Area Police Commander ng Western Mindanao si Police Lt. General Jonnel Estomo at inilipat siya bilang bagong APC-Southern Luzon chief, habang ang hepe ng PNP Directorate for Police Community Relations na si Police Major General Bernard Banac naman ay itinalaga bilang Area Police Commander ng Western Mindanao. Si Police Lt. General Jonnel Estomo ay itinalaga naman bilang APC-Southern Luzon Director .
Inalis din bilang Area Police Commander ng Central Luzon si Police Major General Marcelino Bazar na siya ngayong namumuno ng Directorate for Information and Communications Technology Management o DICTM.
Pamumunuan naman ngayon ni Police Brig. General Erich Tan Royales ang tanggapan ng Directorate For Human Resource And Doctrine Development.
Si Police Brig General Roderick Augustus Alba naman mula sa DHRDD ay hinirang bilang bagong pinuno ng Directorate for Police Community Relations.
Inalis naman sa Directorate for Logistics si Police Brig General Neri Vincent Ignacio at itinalaga sa Directorate for Comptrollership.
