Pinawi ni Health Secretary Francisco Duque III, ang pangamba ng publiko laban sa Monkeypox virus dahil marami naman umanong paraan para maiwasan.
Bukod pa sa umano hindi ito mas nakakahawang katulad ng COVID19.
“Maraming paraan para maiwasan ‘yan strict border control, strict symptoms screening, minimum public health standards,” ani Duque .
Gayundin,sinabi ni Duque hindi dapat kung kani-kanino nakikipagtalik dahil naililipat yan sa close contact,pagkadikit sa balat at droplet.
Samantala,sinabi ni Duque na wala pabg vaccine laban sa monkeypox ang inaprubahan sa Pilipinas ng Food and Drug Administration(FDA).
“Wala pang approval ng FDA natin, wala pang emergency use authorization. ‘Yan ang mga legal ng batayan para makapagpasok ng antivirals against monkeypox,” ayon kay Duque
Gayunman,patuloy na inaalam ng DOH kung saan at kung papaano makakabili ng Monkeypox vaccine.
Muling hinikayat ni Duque ang publiko na magpabakuna at sumunod sa minimum public health standards para hindi mahawaan ng Monkeypox virus. (Anthony Quindoy)
