AMINADO ang National Disaster Risk Reduction Management Council o Ndrrmc sa naka-ambang pananalasa ng ‘Cyclone Mawar’ sa Pilipinas matapos na manalasa sa Guam kaya pinaigting ng mga sangay ng gobyerno ang kanilang paghahanda .
Ayon kay NDRRMC-Office of Civil Defense Spokesperson ASEC Raffy Alejandro para mapalakas ang paghahanda sa posibleng epekto na pinangangambahang Super Typhoon ay nagsagawa ng emergency full council meeting ang lahat ng sangay ng pamahalaan na nasa ilalim ng NDRRMC particular ang Armed Forces of the Philippine, Philippine National police at Department of Social Welfare and Development sa Camp General Emilio Aguinaldo, Quezon City.
Inaasahang tatama ang bagyo na tatawaging Typhoon Betty oras na pumasok sa area of responsibility ng Pilipinas ang area ng Batanes at Region 2 sa Northern Luzon kaya bago pa ang pananalasa ay nagpadala na ng relief packs ang AFP sa Batanes gamit ang C-130 ng Philippine Air Forces.
Ayon kay LtGen. Fernyl G Buca, Commander ng Northern Luzon Command, sa utos ni AFP chief General Andres Centino ay naihatid nila ang mga relief goods sa Batanes sakay ng PAF C-130 aircraft na binubuo ng 850 boxes or 7,395 kilos ng family food packs.
Ayon sa Hukbong Sandatahan bilang paghahanda sa posibleng impact ng Super Typhoon Betty sama samang kumilos ang mga sangay ng pamahalaan kabilang ang DSWD na siyang naglaan ng relief goods sa tulong DSWD Regional Office 2, OCD Region 2, NDRRMC, Philippine Coast Guard, Philippine National Police, At mga tauhan ng Tactical Operations Group 2.
Inalerto rin ng AFP ang lahat ng kanilang search, rescue, and retrieval units para sa humanitarian assistance and disaster response operations sa mga lugar na tatamaan ng bagyo ngayong Linggo o Lunes.
Nasa 7,970 personnel, 4,242 CAFGU Active Auxiliary members, at 180 reservists ang inalerto bilang mga first responders. 2,518 land transportation assets, 20 air assets, at 265 water assets ang dineploy para sa HADR operations .
Ayon kay Navy Flag Officer in Command Vice Admiral Toribio Adaci Jr maging ang kanilang mga tauhan sa malalayong lugar gaya sa Naval Forces Central ay inihahanda na rin ang kanilang Disaster Response and Rescue Teams (DRRT)
Inatasan naman ni Army Commanding General Ltgen Romeo Brawner ang kanyang mga tauhan na maging alerto sa posibleng pagsasagawa ng HADR, search and Rescue at clearing operation sa mga malalayong lugar.
Inalerto din ng DILG ang mga Local Government Unit na maging handa sa posibleng pagsasagawa ng mga preemptive evacuation lalo na sa mga flood at landslide prone areas.
The meeting, attended by heads and representatives of the various leads and members agencies of the NDRRMC, was presided by NDRRMC Chairperson and Defense Department Officer in Charge, Senior Undersecretary Carlito Galvez Jr. In his opening statement, Sr Usec Galvez reminded the agencies of President Marcos Jr. ‘s instructions to ensure that all preparations must be undertaken to ensure the safety of communities that may be affected by the typhoon as well as the speedy provision of response and relief support.
Kahapon ay namataan ang Bagyo may 2,000 kilometers East of Southeastern Luzon na may maximum sustained winds na 195 km/hour malapit sa gitna at may bugsong umaabot sa 240 km/h; habang tinatakah ang West Northwestward sa bilis na 15 km/h.
“The Office of Civil Defense (OCD), agencies of the preparedness and response clusters, as well as the various local government units are also monitoring all areas that may experience inclement weather so that any untoward incidents can be prevented or responded to immediately.” Pahayag pa ni NDRRMC Executive Director and Civil Defense Administrator, Usec Ariel Nepomuceno.
