By: JANTZEN ALVIN
Kung gusto umanong sumuko ni Kingdom of Jesus Christ leader Pastor Apollo Quiboloy kaugnay sa kasong child abuse nito ay hindi umano ito maaring magtakda ng kondisyon.
Ayon kay Justice Secretary Jesus Crispin Remulla, dapat na sumuko ito nang walang kondisyon at harapin ang kasong child abuse na kinakaharap sa korte.
“Quiboloy cannot impose any conditions. He must surrender not according to his terms but according to the terms of the law. The law applies to all, without exception,” ani Remulla.
Aniya, si Quiboloy ay dapat na lumahok sa trial at patunayan ang kanyang pagka-inosente.
“Argue your charges before the Court where you remain the accused, tell the naked truth, that way you can redeem yourself,” saad pa ni Remulla.
Matatandaan na noong nakalipas na Linggo ay nagb-demand ng written guarantee si Quiboloy sa mga awtoridad kabilang na ang pagtiyak na hindi makikialam ang US sa kanyang kaso.
