Pinulong ni Philippine Ambassador to Israel Pedro “Junie” Laylo, Jr. ang Filipino Community leaders sa Haifa, Israel.
Kabilang sa tinalakay sa pulong ang pagbibigay ng amnestiya at trabaho sa undocumented Filipinos doon.
Pinag-usapan din ang pagbibigay ng financial at post-program assistance para sa mga Pilipinong Agrostudies trainees sa Israel.
Tinalakay din ang mga hakbang at tugon sa mga isyung idinulog ng mga FilCom leaders, tulad ng problema sa kontrata, benefits, repatriation at financial literacy.
Pinaalalahanan naman ni Ambassador Laylo ang mga Pilipino sa Haifa na patuloy na mag-ingat at mapagmatyag sa gitna ng patuloy na labanan ng Israel-Hamas ,bukod pa sa banta sa northern border ng Israel.
