MULING binuhay ng Philippine Postal Corporation (Post Office) ang Express Pada-LOVE ngayong Araw ng mga Puso.
Nabatid na ang Post Office ay magpapadala ng flowers, chocolates, stuffed toys at iba pang gift items mula Pebrero 7 -14 sa pamamagitan ng Domestic Express Mail Delivery Service (DEMS).
Nabatid na sinimulan na ng Post Office, ang pagtanggap ng mga orders mula sa
Valentine’s Day booths na nakakalat sa lobby ng Manila Central Post Office.
Ang mga order na bulaklak, novelty at food items ay ihahatid via DEMS sa araw mismo ng Valentine’s Day.
Nalaman na maghahatid rin ang mga kartero ng ipinadalang Valentine’s Day gift items tulad ng Flowers, Chocolates at greeting cards na inorder at sorpresang ipinadala via Express Pada-LOVE.
Idinagdag pa ng Post Office, siguradong magiging matingkad ang selebrasyon kapag sinamahan ng espesyal na harana tampok ang “Singing Kartero’s (mailman) sa halagang abot-kaya.
Layunin ng “Express Pada-LOVE” na maghatid ng simple ngunit makabuluhan at di-malilimutang karanasan para sa mga minamahal sa buhay. (Jaymel Manuel)
