Sa ulat na ipinarating sa tanggapan ni BOC Commissioner Bienvenido Rubio, itinatayang nasa P7.507 million ang halaga ng shabu na tinangkang ipuslit palabas ng bansa.

“The Bureau of Customs – Port of Clark stopped an attempt to export P7.507 million worth of methamphetamine hydrochloride in a shipment declared as “shaft drive model” bound for New Zealand,” ayon sa ulat na natanggap ni Comm. Rubio.

Napag-alaman na nagmula ang export shipment sa Parañaque City subalit agad itong namarkahan bilang suspicious cargo ng x-ray Inspection Project personnel.

Agad umanong isinailalim ito sa K9 sniffing at physical examination, na nagresulta para madiskubre ang tatlong cylindrical package ng white crystalline substances na tumitimbang ng 1,104 gramo na ikinukubli sa e-export na shaft drive.

Kinumpirma din ng Philippine Drug Enforcement Agency’s chemical laboratory analysis na ang nadiskubreng substances ay methamphetamine hydrochloride, o mas kilala bilang “shabu,” isang uri ng dangerous drug sa ilalim ng R.A. No. 9165.

Bunsod nito ay agad na nagpalabas ng warrant of seizure and detention si District Collector Erastus Sandino Austria laban sa nasabing shipment kaugnay sa paglabag sa Republic Act (R.A.) No. 10863, or Customs Modernization and Tariff Act (CMTA), in relation to R.A. No. 9165.

Pinapurihan naman ni District Collector Austria ang mga tauhan ng Port of Clark dahil napigilan nila ang pagluluwas ng illicit substances palabas ng bansa.

Hindi pa umano kuntento si Austria kaya inatasan niya ang Port of Clark personnel na mas magiging mapagmatyag at paiigtingin pa nila ang kanilang customs controls at law enforcement para masawata illegal drug trafficking sa kanilang nasasakupan.

“The BOC under the stewardship of Commissioner Bienvenido Y. Rubio vowed to remain vigilant and ensure that intensified security measures are put in place as part of the Bureau’s continuing enhanced anti-illegal drug smuggling campaign,” ayon pa sa Aduana.

Post Views: 23