NASA P54 milyong halaga ng hinihinalang smuggled diesel ang nasabat ng mga operatiba ng Bureau of Customs Intelligence Group na sakay ng MV Veronica-1 sa subport ng Sual, Pangasinan.
Ayon sa report ng BOC Custom Intelligence group , nadiskubre ang undocumented fuels mula sa 12 compartments ng barkong MV Veronica-1 ang tinatayang aabot sa 1,350 kilolitres ng smuggled diesel fuel.
Isinagawa ang naturang joint operation ng customs intelligence and investigation service ng BOC at Enforcement and Security Service at ng Port Operations Division ng subport of Sual, kasama ang Philippine Coast Guard, Philippine Navy, Philippine National Police Maritime Group, at local PNP.
Nabatid na gamit ang ‘mobile fuel analyzer’ ay dalawang ulit na sinuri ang nasabing kargamento at lumilitaw na negatibo ito sa kinakailangang fuel markers na nangangahulugan hindi ito dumaan sa tamang proseso at walang binayarang kaukulang buwis.
Pahayag ni Deputy Commissioner for Intelligence Group Juvymax Uy: “As long as our Customs agents and other agencies continue to be relentless, our pursuit of smuggling activities and the people behind them would succeed.”
Pinuri naman ni Customs Commissioner Bien Rubio ang matagumpay na operasyon habang binigyang-diin ni CIIS Director Verne Enciso ang kahalagahan ng inter-agency coordination.
Ipinag-utos ng Port of San Fernando ang agarang pagkumpiska sa mga smuggled diesel sa barkong may dala nito, bilang pagtalima sa pertinent customs laws, rules, and regulations.
