NASA P217-million halaga ng shabu at ecstasy ang nasamsam mula sa isang Chinese national ng mga ahente ng Philippine Drug Enforcement Agency (PDEA) sa inilunsad na anti- narcotics operation sa Bacoor City, Cavite.
Ayon kay PDEA Director General Usec. Isagani Nerez, matagal nang binabantayan ng ahensya ang nasabing Chinese national na sinasabing isang bigtime drug distributor at may kakayahan na makapag-supply ng milyon-milyong pisong halaga ng iligal na droga.
“The arrested Chinese national has been under our tight watch for quite some time now under COPLAN: “Mafioso”. He is capable of distributing voluminous amounts of illegal drugs, and is now behind bars,” ani Nerez.
Sa ulat, naaresto ang Chinese na si alias Li matapos bentahan ng isang kilo ng hinihinalang shabu ang poseu- buyer sa parking lot ng isang fast ood chain sa Bacoor.
Ayon kay Nerez, “a total estimated weight of shabu seized during the operation is more or less 32 kilograms, with a standard value of ?217,600.000.”
Nakumpiska sa suspek ang itinatayang 32 kilo ng hinihinalang shabu at 35 piraso ng hinihinalang ecstasy tablets.
Mahaharap ito sa kasong paglabag sa Comprehensive Dangerous Drugs Act habang pinoproseso na rin ang pagpapa-deport sa kanya.
