MAGIGING mga tagapagligtas at first responders ng Office of Civil Defense ang may 100 partner bikers ng motorcycle ride-hailing platform na Angkas.
Ito ay matapos na lumagda sa isang memorandum of agreement ang Office of Civil Defense (OCD) sa Angkas, isang motorcycle ride-hailing company para maging magkatuwang sa rescue operations, kung saan may 100 bikers mula ride-hailing app na ire-recruit bilang Calamity First Responders.
Sa nasabing kasunduan sa pagitan ng OCD at Angkas, layunin din nila na makabuo ng advanced delivery system sa paghahatid ng essential goods at mabilisang emergency response efforts sa panahon ng kalamidad at iba pang disasters sa Metro Manila at Cebu, kung saan malakas ang presensiya ng app at may ‘established methods of distribution’ na.
Bilang bahagi ng kasunduan ay kukuha muna ang Angkas ng initial na 100 skilled and well-trained partner bikers para isabak sa rescue operations ng OCD ang operating arm ng National Disaster Risk Reduction Management Council (NDRRMC) . Bukod dito ay magkakaloob din ang Angkas ng Urban Search and Rescue Equipment at mga kagamitan sa tactical units ng OCD.
Sumaksi sa MOA signing sina OCD Administrator Undersecretary Ariel Nepomuceno at Angkas Chief Executive Officer George Royeca.
Ayon kay Nepomuceno, masasabing “symbolic” ang nasabing partnership kung saan ang gobyerno at private sector gaya ng Angkas ay magkatuwang na naghahanda para sa mga Filipino sakaling may dumating na sakuna .
“[This MOA] aims to manage calamities with the least possible casualties or damage,” ani Nepomuceno.
“On behalf of our organization, let me express our gratitude and appreciation for your willingness to assist our organization in our mission of helping save our communities during emergencies. The mission or job of saving Filipinos cannot be handled solely by the government, it cannot be handled by the government alone,” ani Nepomuceno, kasabay ng pasasalamat at pagkilala sa “Angkas”.
“Walang ibang paraan kundi tayo ay magtulungan. With this commitment, we heed the call of the OCD, kapag mayroon tayong disaster, may calamity. Privilege na makuha ng isang Angkas biker na ma-recognize,” pahayag pa ng may-ari ng Angkas app.
“Isang duty nila para tumulong din sa taumbayan. Through the training that OCD will provide, we hope that it would strengthen the skill of our bikers to really provide assistance in times of emergencies,” dagdag pa ni Royeca.
