Nadakma ng mga tauhan ng Manila Police District -Special Mayor’s Reaction Team (MPD-SMaRT) ang isang notoryus na manggogoyo na may serye ng kasong estafa,swindling at falsification of documents sa isinagawang operasyon sa may Tramo,Pasay City.
Nasa kustodiya ng SMaRT ang suspek na si Antonio Roda at gumagamit ng mga alyas na Carlito Capco at Albert Torre at nagpapanggap din na taga Manila Bureau of Permits,64, at taga 2042 Tramo St., Brgy. 105, Zone 11, Dist. 2, Pasay City.
Ayon kay PMajor Edward Samonte,hepe ng SMaRT, si Roda ay inisyuhan ng warrant of arrest ni Hon. Paul A. Flor, Pairing Judge ng MTC Branch 19, Manila na may petsang Setyembre 27, 2022 sa lasong paglabag sa Art. 177 RPC (Usurpation of Authority), Estafa, at Estafa thru Falsification of Public Documents (2 counts).
Nalaman na hinatulan ng korte si Roda “in absentia”.
Nabatid na si Roda ay nasa talaan ng Most Wanted Person sa District level.
Sa record ng pulisya ,bago naaresto si Roda, nag viral ito sa social media matapos na magpanggap na taga-Bureau of Permits Inspector at nagpakilalang si Abert Torres at nambibiktima ng mga negosyante partikular na sa Binondo. (JERRY S. TAN)
