SINAMAHAN ni Northern Luzon Command chief Lieutenant General Fernyl Buca PAF, sina Armed Forces chief of staff General Romeo S. Brawner, Jr.,at Honorable Gilberto C. Teodoro Jr., Secretary of National Defense (SND), sa ginawang ni President Ferdinand Romualdez Marco, Jr. sa Hilagang Luzon para pangasiwaan ang pamamahagi ng tulong sa mga lugar na nasalanta ng Bagyong Julian sa Batanes at Ilocos Norte.
Sa Batanes ay personal na tinutukan ni Pangulong Marcos ang distribution ng tulong sa may 4,000 beneficiaries, na pawang nakatanggap ng 10 kilo ng bigas.
Nagkaloob naman ng financial assistance ang Department of Social Welfare and Development (DSWD) na umabot sa P3,000 para sa may 200 Ivatan Families sa ilalim ng Ayuda para sa Kapos ang Kita Program (AKAP).
Bukod dito ay nagkaloob naman ng 800 galvanized iron sheets at 800 piraso ng lumber para makatulong sa muling pagtatayo ng mga nasalantang pamilya ng kanilang mga nawasak na kabahayan.
Sa Ilocos Norte ay nagsagawa rin ang Pangulong Marcos ng inspection sa mga nasalantang lugar kasama ang nawasak na Gabu Dike. Pinangunahan din niya ang distribution ng financial aid sa Laoag City bago pinangunahan ang situation briefing hinggil sa naging pinsala ng Typhoon Julian.
Tiniyak naman ni Lt. Gen. Buca ang kanilang commitment para suportahan ang relief and rehabilitation sa mga apektadong lugar.
“Our personnel are working tirelessly to ensure the swift delivery of aid and to help the communities recover from the devastation,” ani Buca .
“On behalf of NOLCOM and the people of Northern Luzon, I extend our deepest gratitude to President Marcos and the government for their support during these challenging times. Their efforts have brought much-needed relief and hope to those suffering from Typhoon Julian,” dagdag pa ni Buca.
Kaugnay nito ay nagsagawa rin ng kanilang Humanitarian and Disaster Response ang Philippine Navy sa Hilagang Luzo, partikular sa Pasuquin, Bacarra, San Nicolas, Paoay at Laoag City, habang tuloy-uloy na inaasistihan ang Provincial Disaster Risk Reduction and Management Office (PDRRMO) sa kanilang monitoring sa mga coastal at landslide-prone areas.
