Arestado ng mga tauhan ng Manila Police District-District Special Operation Unit (MPD-DSOU),ang isang Networking Finance Officer dahil sa kasong estafa, kahapon ng madaling araw sa Diamond Hotel sA panulukan NG Roxas Boulevard at DJ Quintos Street sa Maynila.
Nasa kustodiya ng DSOU ang suspek na si Armando Naga, 54, ng Block 3 Lot 4 A. Luwag Street BF, Las Piñas, City.
Ayon kay PMaj. Dave Garcia, hepe ng DSOU, ala-3 ng madaling araw nang maaresto si Naga sa kanyang inookupang kuwarto sa Diamond Hotel.
Si Naga ay inaresto sa bisa ng arrest warrant na inisyu ni Presiding Judge Maria Luisa Lesle Gonzales-Betic ng Quezon RTC Branch 225, na may petsang Pebrero 152023.
Napag-alaman na walang piyansang inirekomenda ang hukom dahil hindi ito nagpakita sa korte matapos na makasuhan ng syndicated estafa under Art. 315, Par 2 (A) under Art. 315, Par 2 (A).
Naaresto si Naga batay sa impormasyong ibinigay ng isang confidential informant.
