Inianunsiyo ng Department of Health (DOH) nitong Martes ng gabi na mananatili pa rin ang National Capital Region (NCR) sa COVID-19 Alert Level 1, habang ibinaba na rin ng alerto ang ilan pang lugar sa bansa, mula Hulyo 16 hanggang 31, 2022.
Sa isang paabiso, sinabi ng DOH na base sa Inter-Agency Task Force for the Management of Emerging Infectious Diseases (IATF-EID), ang mga naturang lugar ay isinailalim sa pinakamababang alerto sa COVID-19 matapos na mapanatili sa low risk ang kanilang case classification at total beds utilization rates.
Naabot o nakalapit na rin umano ang mga ito sa vaccination thresholds para sa target population at target A2 or senior citizens priority group.
Nabatid na bukod sa NCR, kabilang pa sa mga lugar na nasa ilalim na ng Alert Level 1 ay ang mga sumusunod:
Luzon:
Cordillera Administrative Region: Abra, Apayao, Kalinga, Mountain Province, Baguio City
Region I: Ilocos Norte, Ilocos Sur, La Union, Pangasinan, Dagupan City
Region II: Batanes, Cagayan, Isabela, Nueva Vizcaya, Quirino, Santiago City
Region III: Aurora, Bataan, Bulacan, Nueva Ecija, Pampanga, Tarlac, Zambales, Angeles City, Olongapo City
Region IV-A: Batangas, Cavite, Laguna, Rizal, Lucena City
Region IV-B: Marinduque, Oriental Mindoro, Romblon, Puerto Princesa City
Region V: Albay, Catanduanes, Naga City, Sorsogon
Visayas:
Region VI: Aklan, Capiz, Guimaras, Iloilo Province, Bacolod City, Iloilo City
Region VII: Siquijor, Cebu City, Lapu-Lapu City, Mandaue City
Region VIII: Biliran, Eastern Samar, Southern Leyte, Ormoc City, Tacloban City
Mindanao
Region IX: Zamboanga City
Region X: Camiguin, Bukidnon, Misamis Occidental, Misamis Oriental, Cagayan de Oro City, Iligan City
Region XI: Davao City, Davao Oriental
Region XII: South Cotabato, General Santos City
CARAGA: Agusan del Norte, Agusan del Sur, Surigao del Sur, Butuan City
BARMM: Cotabato City
Samantala, ang mga component cities at municipalities naman na isinailalim na rin sa Alert Level 1 ay ang mga sumusunod:
Luzon:
Cordillera Administrative Region: Sablan, Benguet
Region IV-A: Alabat, Quezon
Region IV-B: Magsaysay at Paluan, Occidental Mindoro
Region V: San Fernando, Masbate
Visayas:
Region VI: Ilog, Negros Occidental
Region VII: Albuquerque, Bohol
Region VIII: Motiong, Samar
Mindanao:
Region IX: Guipos at San Miguel, Zamboanga del Sur
Region X: Kolambugan, Lanao Del Norte
Region XI: Santo Tomas, Davao del Norte at Santa Maria, Davao Occidental
CARAGA: Bacuag, Placer, at Tubod, Surigao del Norte
BARMM: Bubong at Lumbatan, Lanao del Sur
Samantala, ilang lalawigan at mga highly urbanized cities (HUCs) at independent component cities ang mananatili pa rin naman sa Alert Level 2. Kabilang dito ang mga sumusunod:
Luzon:
Cordillera Administrative Region: Benguet, Ifugao
Region IV-A: Quezon Province
Region IV-B: Occidental Mindoro, Palawan
Region V: Camarines Norte, Camarines Sur, Masbate
Visayas:
Region VI: Antique, Negros Occidental
Region VII: Bohol, Cebu, Negros Oriental
Region VIII: Leyte, Northern Samar, Western Samar
Mindanao:
Region IX: Isabela City, Zamboanga del Sur, Zamboanga del Norte, Zamboanga Sibugay
Region X: Lanao del Norte
Region XI: Davao del Norte, Davao del Sur, Davao de Oro, Davao Occidental
Region XII: North Cotabato, Sarangani, Sultan Kudarat
CARAGA: Dinagat Islands, Surigao del Norte
BARMM: Basilan, Lanao del Sur, Maguindanao, Sulu, Tawi-Tawi
Kaugnay nito, sinabi ng DOH na alinsunod na rin sa direktiba ni Pang. Ferdinand “Bongbong” Marcos Jr. at payo ng mga health experts, nirerepaso na nito ang direksiyon sa hinaharap para sa COVID-19 Alert Level System.
“The President has also requested the DOH for recommendations on the updated membership of the IATF-EID, to allow for faster science- and evidence-based decisions. Meanwhile, while waiting for the changes, DOH as IATF-EID Chair will streamline meetings and processes with clear directives to assist in safe reopening, and will be utilizing the National Disaster Risk Reduction and Management Council (NDRRMC) platform,” ayon pa sa DOH.
“Makakaasa po ang ating mga kababayan na mananatili ang gabay pangkalusugan ng kagawaran. Amin pong inaaral kung paano natin maipaparating ng mas maigi pa sa taumbayan kung ano ang kasalukuyang kalagayan ng COVID-19 para sila ay makaiwas dito,” ayon kay Dr. Maria Rosario Singh-Vergeire, Officer-in-Charge ng DOH. (Anthony Quindoy)
